Rabu, 05 Februari 2014

~~~PADUSI,,,,((((baca; Wanita))),,,,,!!!



Alah kito caliak kito sigi,,,,
Padusi jaman kini,,,
Bajalan bak cando balari,,,
Indak sa ayun tangan jo kaki,,,

Antah dek acok manonton tivi,,,
Antah pangaruah sinyal tri jii,,,,
Antah maniru gaya celebriti,,,
Antah ko efek dari globalisasi,,,

Mungkin tubuh kalabihan gizi,,,
Mungkin dek banyak pake nutrisi,,,
Mungkin digadangkan dek susu sapi,,,
Mungkin dek kurang minum ASI,,,,

Mungkin salah didik sajak bayi,,,
Mungkin dek sikola talampau tinggi,,,
Mungkin dek kurang baraja mangaji,,,
Mungkin indak baraja budi pekerti,,,
Sopan santun kurang sekali,,,,

Kalua rumah sasuko hati,,,
Jo pakaian indak paduli,,
Pakai sarawa sampik kaki,,,
Sarawa pensil lagi bergengsi,,,
Pakai sipatu tumik tinggi,,,
Rambuik bak cando laki laki,,,

Baju yukensi kecek rank kini,,,
Baju katebe cando panari,,,
Katiak bajamua jo matohari,,,
Dado dahulu pado body,,,

Bapapasan jo laki laki,,,
Alun disapo lah mancaliak an gigi,,,
Lakuak tubuah jaleh sakali,,,
Mangundang nafsu birahi,,,
Tabulalak mato lelaki,,,,

Caliak sajo berita di tivi,,,
Ayah memperkosa anak tiri,,
Malah ado memperkosa anak sendiri,,,
Akibat kemajuan tekhnologi,,,

Dicaliak salingka koto jo nagari,,,
Indak basobok rumah mangaji,,,,
Cubo kataman kito pai,,,
Banyak pasangan duo sajoli,,,,

Kito maupek manyasai diri,,,,
Jaman baraliah musim baganti,,,
Kini ko jaman technologi,,,,
Urang tuo mangigik jari,,,

Pabilo kito tidak sudi,,,
Tangih digumam dalam hati,,,
Jan sampai dipukul pakai lidi,,,,
Kok ndak takuik dijapuik polisi,,,

Generasi mudo jaman kini,,,
Inyo barajo dalam hati,,,
Indak amuah ditunjuk diajari,,,
Awak berang inyo unjuak gigi,,,

Awak mangaji inyo banyanyi,,,
Orang tuo indak ado arti,,,
Kalo mamintak harus dibari,,,
Kareh lidah pado gigi,,,

Dilengok jaman BUNDO KANDUANG,,,
Satiok padusi babaju kuruang,,,
Pakai salendang jo karuduang,,,
Pado kalua banyak bakuruang,,,

Kalua rumah mambaok payuang,,,
Bajalan takuik tasanduang,,,
Mangecek paliharo muncuang,,,
Mancaliak dibaliak keruduang,,,

Bajalan bak induang induang,,,
Paliharo langkah jan tataruang,,,
Tapijak samuik indak marauang,,
Patah tigo alu talantuang,,,

Jikok lah gadang gadih dikampuang,,,
Mamak mufakat diateh anjuang,,,
Alah patuik kacang bajunjuang,,,
Alah patuik jawi ditusuak iduang,,,
Baitu adat kito dikampuang,,,

Sepakat luhak sarato lingkuang,,,
Dari pasisia sampai sijunjuang,,,
Dari koto sampai ujuang tanjuang,,,
Bapuhun kato ka pagaruyuang,,,,

Ikolah adat sambuang manyambuang,,,
Dari niniak monyang sarato anduang,,,
Ambo hanyo bisa manyambuang,,,
Kaba ko dapek dari balairuang,,,

Kok bana ambo jan disanjuang,,,
Jikok salah ambo jan dikuruang,,,
Ka nan KUASO kito balinduang,,,
Gila jo maaf pado pangunjuang,,,
Salam jo sambah tangan dijunjuang,,,


ingek iduik ko ka mati,
by pasan rang tuo